Tulonge

Morogoro: Ajifungulia korido kwa uzembe wa wauguzi Morogoro

UZEMBE wa Wauguzi wa Wodi ya Wazazi katika Hospitali ya Rufaa ya Mkoa wa Morogoro kuchelewa kumpokea na kumpa huduma zinazostahili mjamzito, kumesababisha kujifungua hadharani nje ya wodi.

Mama huyo aliyefahamika kwa jina la Tausi Saidi (29), mkazi wa Mbete katika Manispaa ya Morogoro, alifikishwa hospitalini hapo na muuguzi wa Zahanati ya Mbete iliyopo Kata ya Mlimani akiwa ameambatana na ndugu zake Januari 7, saa 10 jioni akiwa anaumwa uchungu.

Kwa mujibu wa mume wa mwanamke huyo, Kudra Khalfani alisema kwamba mke wake alianza kupata uchungu na hivyo kumpeleka Zahanati ya Mbete. Baada ya kufika huko, alilazimika kupelekwa katika Hospitali ya Rufaa ya Mkoa wa Morogoro baada ya kuonyesha dalili za kujifungua.

Alisema baada ya kufika wodi ya wazazi, nesi waliyeambatana naye aliyemtaja kwa jina moja la Mwacha, aliingia wodini na kumtaka nesi wa wodi hiyo kwenda kumwangalia mgonjwa wito ambao alidai haukuitikiwa na muuguzi huyo.

Mwanaume huyo alisema katika hali isiyokuwa ya kawaida, muuguzi huyo aliwataka kumpeleka mama huyo wodi namba saba ‘B’ bila kutoa msaada wowote ikiwa ni pamoja na kujua hali ya mgonjwa.

“Baada ya nesi kukataa kumpokea mke wangu, kwa kuwa alikuwa hawezi hata kutembea ilibidi nisaidiwe na watu wanne kisha tukambeba mikononi, kwa kuwa hata kitanda cha kumbebea hatukupewa, na kabla ya kufika akasema tumshushe akawa amejifungulia koridoni na mtoto haikuwa riziki yetu” alisema.

“Imeniuma sana mwanamke mwenzetu amedhalilishwa sana, huwezi kuamini amejifungulia korido watu wote wanamwangalia. Sijapenda hali kama hii inatakiwa ikomeshwe kwani kulikuwa na sababu gani ya kumfanya nesi wa wodi ya wazazi kushindwa kumsaidia huyu mama,” alisema Mwajuma Ally.

Hata hivyo alisema mimba ya mwanamke huyo ilikuwa haijafikisha umri wa kujifungua, kwamba alishawahi kupoteza mimba nne na kwamba ana matatizo katika suala la uzazi.

“Hata mimba hii iliyotoka tayari alishakuwa na vidokezo vya hatari na aliambiwa asifanye kazi ngumu, lakini inaonekana alikuwa anafanya kazi ngumu.

Aliongeza kuwa pamoja na kupewa hiyo tahadhari katika kadi yake ya kliniki, ilionyesha kuwa amehudhuria kliniki mara moja tu.


Kuhusu mwili wa kichanga hicho, mganga mkuu huyo alisema ndugu wamegoma kuukabidhi kwa uongozi wa hospitali hiyo kwa ajili ya kufanyiwa uchunguzi wa kidaktari.

Aidha, mmoja wa ndugu zake, Shida Said alipoulizwa sababu ya kukataa kuukabidhi mwili wa kichanga hicho alisema hakuna sababu ya kuwapa mwili huo kwa kuwa walishindwa kumsaidia mgonjwa wao.

Chanzo: mwananchi.co.tz

Views: 433

Add a Comment

You need to be a member of Tulonge to add comments!

Join Tulonge

Comment by dauson katuritsa on January 9, 2013 at 19:03

inatisha

 

Comment by Mama Malaika on January 9, 2013 at 17:26

Kaka Eddie, hapo ulipo madaktari ndio wanajua kiapo ni nini. Wananyenyekea mgonjwa na kumbembeleza. Na hii issue ingetokea hapo ulipo wahusika wote wangetolewa kazini na kufunguliwa mashtaka ya kusababisha kifo cha mtoto sababu ya udhembe, pili shitaka la kum-treat mama mjamzito vibaya.  

Tanzania yetu nchi ya amani hafukuzwi mtu hapo, wanaendelea na kazi kama kawaida huku wanawake wajawazito na watoto wachanga wanakufa usiku na mchana kwa uzembe wa wauguzi.

Comment by eddie on January 9, 2013 at 15:29

Hivi hawa madaktari hawajala kiapo kiasi kwamba wanaacha wagongwa au watu wanaohitaji msaada wa daktari !

Huyo nesi itabidi wamtoe kazini maana uzembe wake huonekana umekomaa hadi kwenye damu!

Comment by Christer on January 9, 2013 at 14:44

Pumbavu! Kwaio maiti ya mtoto ndo mnaiona nzuri mnaitaka wakati mama yake hamkumpa msaada wowote!!!!! Hivi serikali ipo kweli? Wizara ya afya na Waziri wake yupo kweli? Sidhani km kuna wizara ya afya Tzania maana vitendo vya unyanyasaji hasa kwa wajawazito vimekithiri SANA.

Comment by Mama Malaika on January 9, 2013 at 13:46

yaani hawa wauguzi wana chumba dhambi sana sana.... na wana dharau sana. Namuonea huruma mwanamke mwenzangu kuzalia hadharani. Mungu mpokee huyo marehemu mtoto mchanga asiye na makosa

© 2020   Created by Tulonge.   Powered by

Badges  |  Report an Issue  |  Terms of Service

/* \uascript type="text/javascript">\udinsert below header image\udif (typeof(x$) != 'undefined') {\ud var postHeaderImageAd = '\uadiv id="postHeaderImageAd ">\ua\ua/div>';\ud x$("#xg_masthead").after(postHeaderImageAd);\ud}\ud \uascript type="text/javascript">\ud insert below header image \udif (typeof(x$) != 'undefined') {\ud var postHeaderImageAd = '\uadiv id="postHeaderImageAd ">\ua\ua/div>';\ud x$("#xg_masthead").after(postHeaderImageAd);\ud}\ud /*